Neidio i'r cynnwys

Brechlyn Meningococol B (MenB) ar gyfer gonoroea - Gwybodaeth i weithwyr gofal iechyd proffesiynol am frechlyn MenB

Y frechlyn

Ar hyn o bryd, nid oes brechlynnau trwyddedig yn benodol ar gyfer gonoroea. Fodd bynnag, mae’r JCVI yn argymell defnyddio’r brechlyn meningococol 4-cydran (4CMenB) oddi ar y label ar gyfer unigolion sydd â’r risg uchaf o gonorea. Mae’r brechlyn 4CMenB wedi’i drwyddedu i helpu i atal clefyd meningococol B mewn unigolion 2 fis oed a hŷn ac fe’i defnyddir ar hyn o bryd fel rhan o’r rhaglen imiwneiddio arferol yn ystod plentyndod.  

Mae Neisseria gonorrhoeae (y bacteria sy’n achosi gonoroea) yn perthyn yn agos yn enetig i Neisseria meningitidis (y bacteria sy’n achosi clefyd meningococol). Felly, mae’r brechlyn 4CMenB yn cynnig rhywfaint o groesddiogelu yn erbyn gonoroea. Mae astudiaethau wedi nodi amddiffyniad o 30-40% yn erbyn gonoroea ymhlith pobl sydd mewn perygl uchel pan gynigir y brechlyn i amddiffyn rhag clefyd meningococol B.  

Er y gall y brechlyn 4CMenB leihau’r siawns o ddal haint gonoroea, nid yw’n rhoi amddiffyniad llwyr. Credir bod prif fantais y brechlyn i’w gweld ar lefel gymunedol, oherwydd ei fod yn cyfrannu at ostyngiad yn nifer yr achosion o gonorea yn gyffredinol. Mae’n bwysig bod y rhai sydd mewn perygl uchel yn cael eu brechu, hyd yn oed gydag effeithiolrwydd cymedrol, gan nad yw cael eich heintio â gonorea o’r blaen yn eich amddiffyn rhag cael eich heintio eto. 

Nid oes tystiolaeth bod y brechlyn 4CMenB yn gwella haint gonoroea gweithredol. Felly, dylid rheoli heintiau yn unol â chanllawiau Cymdeithas Iechyd Rhywiol a HIV Prydain (BASHH) (safle allanol). 

Bexsero yw’r unig frechlyn 4CMenB trwyddedig sydd ar gael yn y DU. Mae’n frechlyn chwistrelladwy wedi’i anactifadu mewn chwistrell wedi’i llenwi ymlaen llaw. Mae cyngor y JCVI yn seiliedig ar ddefnydd oddi ar y label, oherwydd nad yw amddiffyniad rhag gonoroea yn ddefnydd trwyddedig o’r brechlyn 4CMenB. 

Crynodeb o nodweddion y cynnyrch 

Bexsero ar wefan Medicines (safle allanol) 

Dos 

Mae angen dau ddos. Gellir rhoi’r ail ddos o leiaf bedair wythnos ar ôl y dos cyntaf. Nid oes terfyn amser mwyaf rhwng dosau. Gellir rhoi’r ail ddos ​​yn ystod yr ymweliad nesaf â’r clinig, boed hynny dri, chwech neu 12 mis yn ddiweddarach. Os oes bwlch hirach, nid oes angen ailddechrau’r amserlen sylfaenol.  

Cyfeiriwch at gonoroea ar bennod llyfr gwyrdd, ar wefan llywodraeth DU (safle allanol, Saesneg yn unig) a Gwasanaeth Cyngor ar Feddyginiaethau Cymru (safle allanol) i gael rhagor o wybodaeth.  

Canllawiau 

Mae argymhellion y rhaglen frechu gan y Cyd-bwyllgor ar Imiwneiddio a Brechu (JCVI) a pholisi Llywodraeth Cymru i’w gweld drwy ddilyn y dolenni isod. 

Cyd-bwyllgor ar Imiwneiddio a Brechu (JCVI) ar wefan llywodraeth DU (safle allanol, Saesneg yn unig)  – darllenwch gyhoeddiadau a datganiadau’r JCVI; chwiliwch am e.e. MenB, gonorrhoea.

Cyngor y rhaglen frechu gan y Cyd-bwyllgor ar gyfer defnydd frechlyn Meningococol B i arbed gonoroea ar wefan llywodraeth DU (safle allanol, Saesneg yn unig) 

Argymhellion JCVI ar gonoroea a brech M ar wefan llywodraeth DU (safle allanol, Saesneg yn unig) 

Cylchlythyrau Iechyd Cymru a llythyrau Llywodraeth Cymru 

Cylchlythyrau iechyd 2024 i 2027 ar wefan llywodraeth Cymru (safle allanol)

Cyflwyno rhaglenni brechu rheolaidd ar gyfer brech M a gonorea (safle allanol) 

Adnoddau a gwybodaeth glinigol 

Gonoroea ar bennod llyfr gwyrdd, ar wefan llywodraeth DU (safle allanol, Saesneg yn unig)

Rhaglen frechu Meningococol B GIG Cymru i helpu i atal gonoroea – adnodd gweledol (ar gael yn fuan) 

Pecyn cymorth brechu ar gyfer ymarferwyr gofal iechyd gwasanaethau iechyd rhywiol

Atodiad A: gwybodaeth a adnoddau ar gyfer gweithwyr iechyd proffesiynol a chyflwynwyr gwasanaethau i gefnogi gweithredu ar llywodraeth DU (safle allanol, Saesneg yn unig) 

Cyfarwyddyd Grŵp Cleifion (PGDs) 

Gellir dod o hyd i dempledi PGD ar gyfer brechlynnau ar y  Gwasanaeth Cyngor Meddyginiaethau Cymru (safle allanol) 

Rhagor o wybodaeth

Gonoroea ar wefan WHO

Adolygwyd y dudalen hon ddiwethaf: 9fed Hydref 2025