Gwybodaeth sgrinio ar gyfer unigolion Trawsryweddol ac Anneuaidd - Sgrinio

Mae’r wybodaeth hon yn addas i chi os ydych yn drawsryweddol (traws) neu’n anneuaidd. Mae’n bwysig eich bod yn darllen y wybodaeth er mwyn eich helpu i benderfynu ynghylch cymryd rhan mewn sgrinio.

Os ydych chi’n weithiwr iechyd proffesiynol, mae’n bosibl y bydd y daflen hon yn ddefnyddiol i chi.

Os ydych yn byw yng Nghymru, byddwn yn eich gwahodd i gael eich sgrinio ar sail eich:

• oedran; ac
• rhywedd.

Mae’n bwysig eich bod yn gwybod y byddwch yn cael gwahoddiad i gael eich sgrinio ar sail sut rydych wedi’ch cofrestru gyda’ch meddyg ac nid ar sail y categori rhywedd y cawsoch eich rhoi ynddo adeg eich geni.

Bydd eich risg o gael cyflyrau penodol yn dibynnu ar y rhyw a gafodd ei aseinio i chi adeg eich geni

Rydym yn anelu at drin pawb gydag urddas a pharch. Mae’n bwysig ein bod yn eich trin chi yn y ffordd gywir. Rhowch wybod i ni os ydych yn teimlo y gallwn wella eich profiad sgrinio.

Rydym wedi rhoi manylion cyswllt drwy’r tudalennau hyn. Gallwch gysylltu â ni yn Gymraeg neu yn Saesneg. Bydd yn cymryd yr un faint o amser i ni eich ateb, pa bynnag iaith a ddewiswch.

Cefais fy rhoi yn y categori gwryw adeg fy ngheni (siart llif):

Rhaglen Sgrinio	A fyddaf yn cael gwahoddiad?	A oes angen i mi gael fy sgrinio?
Rhaglen Sgrinio Sgrinio’r fron	A fyddaf yn cael gwahoddiad? Byddwch, os ydych wedi cofrestru fel benyw gyda’ch meddyg	A oes angen i mi gael fy sgrinio? Oes, os oes gennych bronnau
Rhaglen Sgrinio Sgrinio serfigol	A fyddaf yn cael gwahoddiad? Byddwch, os ydych wedi cofrestru fel benyw gyda’ch meddyg	A oes angen i mi gael fy sgrinio? Nac oes, oherwydd nad oes gennych serfics
Rhaglen Sgrinio Sgrinio YAA	A fyddaf yn cael gwahoddiad? Na fyddwch, os ydych wedi cofrestru fel benyw gyda’ch meddyg	A oes angen i mi gael fy sgrinio? Oes, oherwydd, yn  fiolegol, rydych 6 gwaith yn fwy tebygol o ddatblygu YAA
Rhaglen Sgrinio Sgrinio’r coluddyn	A fyddaf yn cael gwahoddiad? Byddwch	A oes angen i mi gael fy sgrinio? Oes
Rhaglen Sgrinio Sgrinio llygaid diabetig	A fyddaf yn cael gwahoddiad? Byddwch, os oes gennych ddiabetes	A oes angen i mi gael fy sgrinio? Oes, os oes gennych ddiabetes
Rhaglen Sgrinio Sgrinio cyn geni	A fyddaf yn cael gwahoddiad? Na fyddwch	A oes angen i mi gael fy sgrinio? Nac oes

Cefais fy rhoi yn y categori benyw adeg fy ngheni (siart llif):

Rhaglen Sgrinio	A fyddaf yn cael gwahoddiad?	A oes angen i mi gael fy sgrinio?
Rhaglen Sgrinio Sgrinio’r fron	A fyddaf yn cael gwahoddiad? Na fyddwch, os ydych wedi cofrestru fel gwryw gyda’ch meddyg	A oes angen i mi gael fy sgrinio? Oes, os oes gennych bronnau
Rhaglen Sgrinio Sgrinio serfigol	A fyddaf yn cael gwahoddiad? Byddwch,ond rhowch wybod i ni gyntaf, os ydych wedi cofrestru fel gwryw gyda’ch meddyg	A oes angen i mi gael fy sgrinio? Oes, oes gennych serfics
Rhaglen Sgrinio Sgrinio YAA	A fyddaf yn cael gwahoddiad? Byddwch, os ydych wedi cofrestru fel gwryw gyda’ch meddyg	A oes angen i mi gael fy sgrinio? Gweler isod a fydd yn eich helpu i benderfynu
Rhaglen Sgrinio Sgrinio’r coluddyn	A fyddaf yn cael gwahoddiad? Byddwch	A oes angen i mi gael fy sgrinio? Oes
Rhaglen Sgrinio Sgrinio llygaid diabetig	A fyddaf yn cael gwahoddiad? Byddwch, os oes gennych ddiabetes	A oes angen i mi gael fy sgrinio? Oes, os oes gennych ddiabetes
Rhaglen Sgrinio Sgrinio cyn geni	A fyddaf yn cael gwahoddiad? Byddwch, os ydych yn feichiog	A oes angen i mi gael fy sgrinio? Oes, os ydych yn feichiog

Adolygwyd y dudalen hon ddiwethaf: 25ain Chwefror 2025