Awgrymiadau i’ch helpu i ddechrau arni – Gofal Sylfaenol Gwyrddach Cymru

Mae Fframwaith a Chynllun Gwobrwyo Gofal Sylfaenol Gwyrddach Cymru yn rhad ac am ddim i ymuno ag ef ac mae’n cynnwys amrywiaeth eang o gamau gweithredu clinigol ac anghlinigol sy’n ystyriol o’r hinsawdd i dimau eu rhoi ar waith. Gellir cwblhau’r camau gweithredu mewn unrhyw drefn a gellir gwneud faint fynnir ohonynt, sy’n cynnig hyblygrwydd o ran sut i gymryd rhan

Gall practisiau ennill gwobr efydd, arian neu aur os ydynt yn cwblhau nifer penodol o gamau gweithredu. Mae pob cam gweithredu sy’n cael ei gwblhau yn cyfateb i 1 pwynt ac wrth i nifer y pwyntiau gynyddu, felly hefyd lefel y wobr.

Mae’r camau gweithredu wedi’u cynnwys ar fframwaith ar-lein ac mae gwybodaeth ac adnoddau ategol yn cyd-fynd â phob cam gweithredu i’ch helpu i’w gwblhau. Bydd angen i chi gofrestru i gael mynediad at y fframwaith ar-lein, ond gallwch weld y rhestr o gamau gweithredu presennol drwy glicio ar y ddolen isod. Mae cyngor ychwanegol ar gael gan ein tîm drwy [email protected].

• Gweld rhestr o gamau gweithredu’r fframwaith.
• Gwyliwch ein hanimeiddiad sy’n egluro’r Cynllun ymhellach.
• Gwyliwch ein fideo arddangos sy’n rhoi canllawiau cam wrth gam ar sut i gofrestru i gymryd rhan yn Fframwaith a Chynllun Gwobrwyo Gofal Sylfaenol Gwyrddach Cymru a defnyddio’r fframwaith ar-lein. 

Mae’r Cynllun ar agor i dimau ymuno a chymryd rhan ynddo hyd at Hydref 2026. Mae hyn yn caniatáu digon o amser i weithio ar gamau gweithredu ac ennill gwobr, neu i weithio ar gamau gweithredu ychwanegol i ennill lefel uwch o wobr nag yn y blynyddoedd blaenorol.

Mae’r fframwaith yn cynnig amrywiaeth eang o gamau gweithredu – rhai’n gyflym ac yn hawdd, rhai’n fwy heriol a fydd yn cymryd mwy o amser. Mae gennych chi hyblygrwydd i ddewis pa gamau gweithredu i’w gwneud. Gallwch ddewis camau gweithredu y gallwch eu cwblhau’n gyflym neu rai sy’n gofyn am fwy o amser.

Mae’r rhan fwyaf o unigolion a thimau’n ymuno â’r Cynllun oherwydd eu bod nhw eisiau gwneud rhywbeth er budd yr amgylchedd. Mae llawer o’r camau gweithredu yn y fframwaith yn cael eu hystyried yn gamau gweithredu ‘lliniarol’ neu sy’n ‘datgarboneiddio’ – mae rhoi’r rhain ar waith yn bwysig oherwydd dyma’n hunig ffordd o arafu newid hinsawdd. Mae rhai o’r camau gweithredu yn cael eu hystyried yn gamau ‘addasu’ oherwydd eu bod yn cynnwys addasu i effeithiau tebygol newid hinsawdd, fel digwyddiadau tywydd garw.

Fodd bynnag, yn ogystal â’r rhesymau amgylcheddol hyn, mae llawer o dimau hefyd yn sôn am arbedion ariannol o ganlyniad i gymryd rhan, gwell llesiant a morâl ymhlith staff, a chyd-fuddion clinigol i gleifion.

I gael gwybod rhagor, edrychwch ar ein hastudiaethau achos sy’n arddangos gwaith gwych rhai o’r practisiau sydd wedi cymryd rhan yn y Cynllun. Gallwch hefyd ddarllen rhai o’r gymeradwyaeth a gafwyd gan ffigurau allweddol yng Nghymru.

Rydym hefyd wedi datblygu cyfres o becynnau adnoddau penodol i gontractwyr i gefnogi pob un o’r pedwar contractwr gofal sylfaenol wrth iddynt ystyried ffyrdd o ddod yn fwy ystyriol o’r hinsawdd drwy gymryd rhan yn Fframwaith a Chynllun Gwobrwyo Gofal Sylfaenol Gwyrddach Cymru.

Mae cyfres o gwestiynau cyffredin am y Cynllun wedi’u llunio i gynorthwyo timau newydd a thimau sy’n dychwelyd. Os na allwch ddod o hyd i’r ateb i’ch cwestiwn yn y ddogfen Cwestiynau Cyffredin, anfonwch e-bost atom at [email protected].

• Astudiaeth yn Archwilio ôl-troed Carbon y Cynllun Cenedlaethol a Phractisiau Unigol sy’n Cymryd Rhan, Iechyd Cyhoeddus Cymru, Mai 2022
• Cyfrifianellau ôl-troed Carbon i’w defnyddio gan Gontractwyr Gofal Sylfaenol Adroddiad Cryno,