Neidio i'r cynnwys

Atal cenhedlu - Atal cenhedlu brys

Gall dulliau atal cenhedlu brys atal beichiogrwydd ar ôl rhyw heb ddiogelwch neu os yw eich dull atal cenhedlu wedi methu – er enghraifft, os yw condom wedi rhwygo neu os ydych wedi anghofio cymryd pilsen.

Mae dau fath:

  • PILSEN ATAL CENHEDLU BRYS – Levonelle neu ellaOne (sydd weithiau’n cael ei galw’n bilsen bore wedyn) Mae angen i chi gymryd y bilsen atal cenhedlu brys cyn pen 3 diwrnod (Levonelle) neu 5 diwrnod (ellaOne) ar ôl rhyw heb ddiogelwch iddi fod yn effeithiol – gorau po gyntaf y byddwch yn ei chymryd, er mwyn iddi fod yn fwy effeithiol.
  • Dyfais IUCD (dyfais fewngroth, neu’r coil) – Gellir gosod y ddyfais IUCD hyd at 5 diwrnod ar ôl rhyw heb ddiogelwch, neu hyd at 5 diwrnod ar ôl yr amser cynharaf y gallech fod wedi ofylu (rhyddhau wy o’r ofari), iddi fod yn effeithiol.

Mae’r IUCD yn fwy effeithiol na’r bilsen atal cenhedlu er mwyn atal beichiogrwydd – mae llai nag 1% o’r menywod sy’n defnyddio’r IUCD yn beichiogi.

Ewch i wefan GIG 111 Cymru am fwy o wybodaeth am atal cenhedlu brys.

Cyrchu dulliau atal cenhedlu brys

Ewch i wefan GIG 111 Cymru i ddod o hyd i’ch darparwr gwasanaeth iechyd rhywiol lleol.

Opsiynau eraill ar gyfer cyrchu dulliau atal cenhedlu brys yw fferyllfeydd cymunedol – gwiriwch gyda’r fferyllfa cyn mynychu gan fod angen fferyllydd hyfforddedig ar ddyletswydd i ddarparu dulliau atal cenhedlu brys a byddant yn gallu cynghori:

Fferyllfa Gymunedol

Atal Cenhedlu Brys – Bwrdd Iechyd Prifysgol Aneurin Bevan (gig.cymru)

Sir y Fflint a Wrecsam – Bwrdd Iechyd Prifysgol Betsi Cadwaladr (gig.cymru)

Siroedd Conwy a Dinbych – Bwrdd Iechyd Prifysgol Betsi Cadwaladr (gig.cymru)

Gwynedd ac Ynys Môn – Bwrdd Iechyd Prifysgol Betsi Cadwaladr (gig.cymru)

Atal Cenhedlu Brys – Bwrdd Iechyd Prifysgol Caerdydd a’r Fro (gig.cymru)

Iechyd Rhywiol ac Atgenhedlol Integredig – Bwrdd Iechyd Prifysgol Cwm Taf Morgannwg (gig.cymru)

Atal Cenhedlu Brys (pilsen y bore wedyn) – Bwrdd Iechyd Prifysgol Hywel Dda (gig.cymru)

Iechyd Rhywiol – Bwrdd Iechyd Addysgu Powys (gig.cymru)

Gwasanaethau Iechyd Rhywiol – Bwrdd Iechyd Prifysgol Bae Abertawe (gig.cymru)

Adolygwyd y dudalen hon ddiwethaf: 19eg Mehefin 2025