Neidio i'r cynnwys

Datblygiad proffesiynol a hyfforddiant – cynhwysiant iechyd

Mae gwybodaeth a sgiliau iechyd cynhwysiant y gweithlu yn rhan hanfodol o ddarparu gwasanaethau teg. Yn y DU, mae’r pedair gweinyddiaeth ddatganoledig yn cydnabod pwysigrwydd ymgorffori Iechyd Cynhwysiant mewn addysg a hyfforddiant gweithwyr gofal iechyd proffesiynol. Mae pob cenedl wedi cyhoeddi canllawiau i wella canlyniadau iechyd ar gyfer grwpiau ymylol. Fodd bynnag, nid yw astudiaethau diweddar wedi canfod unrhyw dystiolaeth bod adrannau’r llywodraeth neu sefydliadau cenedlaethol wedi amlinellu cynllun i sicrhau bod gan weithwyr gofal iechyd proffesiynol y wybodaeth a’r sgiliau angenrheidiol i ofalu am gymunedau bregus. Yn ôl tystiolaeth a gyhoeddwyd gan sefydliadau sy’n cyflogi staff sy’n gweithio gyda grwpiau agored i niwed, mae llawer o ymarferwyr gofal iechyd wedi cydnabod yr angen i gaffael y wybodaeth a’r sgiliau i gefnogi defnyddwyr gwasanaeth o gymunedau sydd wedi’u hallgáu’n gymdeithasol.

Cyfeiriadur cynhwysiant, addysg a hyfforddiant iechyd ar gyfer gweithwyr proffesiynol

Mae’r cyfeiriadur hwn wedi’i ddylunio i helpu gweithwyr gofal iechyd proffesiynol i adnabod cyfleoedd i ddysgu ac i hyfforddi i’w helpu i gwrdd â’r sylfaen wybodaeth ar gyfer cynhwysiant, iechyd ac anghydraddoldebau iechyd.

Rhwydwaith iechyd cynhwysiant Cymru

Fforwm Nyrsys Iechyd Cynhwysiant Cymru Gyfan (AWIHN):
Mae Fforwm AWIHN yn le i drafod addysg a hyfforddiant proffesiynol ar gyfer nyrsys sy’n gweithio mewn neu gyda phoblogaethau iechyd cynhwysiant.
Caiff unrhyw nyrs sy’n gweithio ar neu gyda phoblogaethau iechyd cynhwysiant ymaelodi. Gellir gwahodd pobl nad ydynt yn aelodau i’r grŵp i gyflwyno, arwain neu gymryd rhan mewn trafodaethau at ddibenion dysgu, addysgu a hyfforddi.
Mae’r fforwm yn cyfarfod bob chwarter, ac mae’r cyfarfodydd yn para am awr oni fydd amser ychwanegol wedi’i drefnu ar gais y grŵp. Mae Is-adran Gofal Sylfaenol Iechyd Cyhoeddus Cymru yn cynnig cymorth gweinyddol ac ysgrifenyddol i’r fforwm.

Rhwydwaith Iechyd Cynhwysiant Iechyd y Cyhoedd (PHIHN):
Mae’r PHINN yn canolbwyntio ar boblogaethau cynhwysiant iechyd, ac yn blatfform proffesiynol i aelodau timau iechyd cyhoeddus lleol a chenedlaethol rannu arferion da, nodi blaenoriaethau, cyfleoedd a heriau cyffredin ac, pan fo’n briodol, gwneud argymhellion i ymgorffori arferion gorau a dylanwadu ar bolisi. Is-adran Gofal Sylfaenol Iechyd Cyhoeddus Cymru sy’n cadeirio ac yn cydlynu’r rhwydwaith. Mae aelodaeth yn agored i unrhyw un sy’n gweithio yn y System Iechyd Cyhoeddus ar Anghydraddoldebau Iechyd a chynhwysiant iechyd.

Gweminarau

Mae’r Is-adran Gofal Sylfaenol yn Iechyd Cyhoeddus Cymru yn trefnu gweminarau addysgiadol. Nod y gweminarau hyn yw:

  • Deall y cysyniadau sylfaenol a’r diffiniad o gynhwysiant iechyd, pwysigrwydd cynhwysiant a pham mae’n bwysig
  • Dysgu am arferion cyfredol ac enghreifftiau o arferion gorau gan weithwyr iechyd proffesiynol sy’n arwain ar gynhwysiant iechyd.
  • Dysgu am ddull rhagweithiol o integreiddio arferion cynhwysol o fewn gweithrediadau gofal iechyd beunyddiol.

Recordiadau o gyflwyniadau a gweminarau blaenorol

Cyfleoedd datblygu a hyfforddi eraill

Rhestr o rwydweithiau ar gyfer staff sy’n gweithio gyda grwpiau iechyd cynhwysiant i rannu gwybodaeth a phrofiad

Podlediadau a Gweminarau

Dysgu RCGP

Podlediadau Hwb Gwybodaeth Gofal Sylfaenol

Gweminarau