Ffliw
Gall y ffliw fod yn ddifrifol iawn. Mae’n cael ei achosi gan feirws, sy’n cael ei ledaenu gan beswch a thisian. Gall symptomau ffliw fod yn ysgafn ond gall hefyd arwain at afiechydon mwy difrifol fel broncitis a niwmonia (heintiau ar yr ysgyfaint), a all fod angen triniaeth yn yr ysbyty.
Mae ffliw yn heintus iawn, a gall symptomau ymddangos yn gyflym iawn. Mae symptomau ffliw yn cynnwys tymheredd uchel, blinder a gwendid, cur pen, poenau a pheswch.
Mae achosion o ffliw y rhan fwyaf o aeafau, yn enwedig mewn ysbytai a chartrefi gofal. Mewn gaeaf arferol, bydd miloedd o bobl yn marw o salwch sy’n gysylltiedig â ffliw yn y DU. Cael brechlyn ffliw bob blwyddyn yw un o’r ffyrdd gorau o amddiffyn rhag y ffliw.
Pan fydd pobl yn cael y ffliw, maent yn tueddu i fynd yn sâl yn eithaf cyflym. Gall symptomau gynnwys twymyn, oerfel, cur pen a chyhyrau poenus, yn aml gyda pheswch a dolur gwddf.
Sut byddaf yn gwybod a oes ffliw arnaf?
Nid yw tua hanner y bobl sydd wedi’u heintio â’r ffliw hyd yn oed yn sylweddoli hynny, ac eto gallant ledaenu’r feirws i eraill o hyd. Gall hyn weithiau achosi salwch difrifol gan arwain at ofal ysbyty, ac mewn achosion prin, marwolaeth.
Mae rhai symptomau COVID-19 yn debyg i’r ffliw, felly gwiriwch y cyngor diweddaraf a dilynwch y canllawiau COVID-19 cyfredol.
Beth ddylwn i ei wneud os ydw i’n meddwl bod gen i’r ffliw?
Os oes gennych chi dymheredd neu beswch, dilynwch y canllawiau cyfredol i bobl sydd â symptomau haint anadlol, gan gynnwys COVID-19.
Fel arfer rheolir y ffliw trwy orffwys gartref, cadw’n gynnes ac yfed digon o ddŵr. Gallwch gymryd paracetamol (dilynwch y cyngor yn y pecyn a pheidiwch â chymryd mwy na’r dos a argymhellir), i ostwng tymheredd uchel a lleddfu poenau os oes angen.
Fodd bynnag, os ydych chi mewn grŵp risg uchel, dylech siarad â’ch practis meddyg teulu neu’ch fferyllfa leol ar unwaith os ydych chi’n meddwl y gallai fod gennych chi’r ffliw, gan y gallent argymell cwrs o feddyginiaeth gwrthfeirol.
Er mwyn helpu i atal y ffliw a feirysau eraill rhag lledaenu, cofiwch:
Dysgwch fwy
Os hoffech chi ddysgu mwy am y brechlynnau, neu’r afiechyd y maent yn eu hamddiffyn yn erbyn, mae nifer o adnoddau gwybodaeth ar gael i helpu.
Os oes gennych gwestiynau neu os hoffech gael rhagor o wybodaeth, gallwch fynd i wefan GIG 111 Cymru, siarad â’ch meddyg neu nyrs, neu gysylltu â GIG 111 Cymru drwy ffonio 111.
Adroddiadau
Ni chanfuwyd unrhyw ddata ar gyfer y pwnc hwn
Data
Ni chanfuwyd unrhyw ddata ar gyfer y pwnc hwn