Amddiffyn rhag yr haul 

Cyngor i oedolion a phlant ar amddiffyn rhag yr haul ac eli haul.

Mae llosg haul yn cynyddu eich risg o gael canser y croen. Nid rhywbeth sydd yn digwydd i bobl ar eu gwyliau yn unig neu ddim ond yn ystod tywydd poeth yw llosg haul. Mae’n bosib cael llosg haul yn y DU, hyd yn oed os yw’r tywydd yn gymylog ac yn oer.  

Nid oes unrhyw ffordd ddiogel neu iach o gael lliw haul. Nid yw lliw haul yn amddiffyn eich croen rhag effeithiau niweidiol yr haul. 

Dylech geisio sicrhau cydbwysedd rhwng amddiffyn eich hun rhag yr haul a chael digon o fitamin D gan olau’r haul. 

Awgrymiadau da i’ch amddiffyn rhag yr haul

Mae rhagolygon tywydd y BBC yn cynnwys lefelau uwchfioled. Mae lefelau uwchfioled uchel neu uchel iawn yn cynyddu’r risg o liw haul. 

Yn y DU, mae’r haul ar ei boethaf ac ar ei gryfaf rhwng 11am a 3pm o fis Mawrth i fis Hydref o gymharu ag unrhyw adeg arall. Cofiwch wneud y canlynol: 

• Ceisio aros dan do neu yn y cysgod.
• Osgoi gweithgareddau awyr agored fel chwaraeon, DIY neu arddio. Os nad yw hyn yn bosib, dylech eu gwneud nhw’n gynnar yn y bore neu’n hwyrach gyda’r nos.
• Defnyddio eli haul sydd â ffactor amddiffyn rhag yr haul (SPF) 30 o leiaf ac amddiffyniad UVA 4 seren o leiaf.
• Gwisgo dillad sy’n eich amddiffyn rhag yr haul fel topiau llewys hir neu fathau eraill o ddillad lliw golau, llac.
• Gwisgo het â chantel llydan i amddiffyn eich wyneb, eich llygaid, eich pen a’ch clustiau, a sbectol haul i amddiffyn eich llygaid.
• Yn bwysicaf oll, ceisio osgoi llosgi o gwbl.

Pa ffactor (SPF) eli haul y dylwn ei ddefnyddio?

I gael gwybodaeth am y defnydd a’r mathau o eli haul ewch i dudalen Eli haul ac amddiffyn rhag yr haul y GIG.

Mwy o wybodaeth

I gael gwybodaeth am olau uwchfioled ewch i wefan y Swyddfa Dywydd.