Gwybodaeth i rieni am CARIS

Mae’r wybodaeth hon yn bwysig er mwyn:

• helpu i gynllunio a datblygu gwasanaethau ar gyfer gofalu am fabanod a phlant yr effeithir arnynt
• rhoi gwybodaeth i weithwyr gofal iechyd proffesiynol fel y gallant eich cynghori ynglŷn â chael plentyn ag anomaledd cynhenid neu glefyd prin a’r canlyniad disgwyliedig
• gwella ein dealltwriaeth o anomaleddau cynhenid a chlefydau prin a helpu ymchwil i’w hachosion a thriniaethau.
• edrych ar niferoedd a thueddiadau – er enghraifft er mwyn deall newidiadau yn nifer y babanod sy’n cael eu geni ag anomaleddau cynhenid neu a oes patrymau yn y man lle cânt eu geni

Mae’r wybodaeth a gasglwn yn cynnwys y canlynol:

• manylion am y fam a’r plentyn gan gynnwys eu henwau a’u dyddiadau geni
• cyfeiriad a chod post y fam
• disgrifiad o’r anomaledd cynhenid neu’r afiechyd prin
• manylion a chanlyniadau ymchwiliadau a gynhaliwyd yn ystod beichiogrwydd (er enghraifft, canlyniadau sgan uwchsain)

Bydd aelod o staff yr ysbyty sy’n eich trin chi neu’ch plentyn yn hysbysu’r gofrestr pan ganfyddir yr anomaledd. Gellir gwella neu gadarnhau gwybodaeth a adroddir yn ddiweddarach drwy ychwanegu rhagor o fanylion. Ceir data ychwanegol o gronfeydd data ysbytai.
Rydym yn cynnwys enwau fel y gellir diweddaru gwybodaeth yn gywir ac nad yw’r un plentyn yn cael ei gyfrif sawl tro.

Mae rheolau llym sy’n rheoli pwy sy’n gallu gweld gwybodaeth bersonol (gan gynnwys enwau a chyfeiriadau). Dim ond staff yr ysbyty sy’n eich trin chi neu’ch plentyn a phobl sy’n gweithio i’r gofrestr fydd yn gallu gweld yr wybodaeth hon.

Nid yw astudiaethau ymchwil ac adroddiadau o’r gofrestr yn cynnwys gwybodaeth a fydd yn eich adnabod chi na’ch plentyn.

Ni fyddwn byth yn rhoi enw na chyfeiriad llawn i neb ac eithrio’r meddygon sy’n ymwneud yn uniongyrchol â gofal eich plentyn sydd â’r wybodaeth hon beth bynnag.

Gallwch – mae gennych yr hawl i ofyn am gopi o’r wybodaeth y cedwir gennym amdanoch chi neu’ch plentyn.

Dywedwch wrth aelod o’ch tîm gofal iechyd neu cysylltwch â CARIS yn uniongyrchol os hoffech weld yr wybodaeth

Mae’r wybodaeth ar y Gofrestr amdanoch chi neu’ch plentyn yn gyfrinachol iawn. Rydym yn ei defnyddio a’i chadw mewn ffordd gyfrifol sy’n parchu eich hawliau a’ch preifatrwydd.

Rydym yn gweithio o fewn polisïau cyfrinachedd a diogelwch llym Iechyd Cyhoeddus Cymru a Deddf Diogelu Data 2018.

Gobeithiwn y bydd pawb eisiau cael eu cynnwys i’n helpu i gynllunio a gwella gwasanaethau ar gyfer rhieni a phlant y dyfodol. Os dymunwch, gallwn ddileu eich manylion drwy gysylltu â thîm CARIS.