Crynodeb cenedlaethol o imiwneiddio rhag hepatitis B newyddenedigol yng Nghymru 2022–23

• Blynyddol
• Cymru Gyfan/Cenedlaethol

Mae Iechyd Cyhoeddus Cymru wedi datblygu cronfa ddata Cymru gyfan i gefnogi’r broses o frechu babanod sy’n cael eu geni i famau sydd â haint hepatitis B.

Mae’r adroddiad hwn yn rhoi crynodeb o’r niferoedd ac amseroldeb dewis rhoi’r tri dos cyntaf o imiwneiddiad hepatitis B, yn ogystal â’r tueddiadau o ran dewis rhoi brechiad i fabanod a anwyd i famau hepatitis B positif yn ystod 2023, yn ôl yr hyn a hysbyswyd i Dîm Diogelu Iechyd Cyhoeddus Cymru. Mae niferoedd ac amseroldeb y rhai sy’n cymryd y dos imiwneiddio hepatitis B ar 12 mis, a seroleg mewn babanod a anwyd i famau hepatitis B positif yn 2022 yn cael ei gyflwyno hefyd.

Cefndir

Gall haint hepatitis B gael ei drosglwyddo o fam sydd wedi’i heintio i’w babi yn ystod genedigaeth. Mae’r babanod sy’n cael eu heintio yn y modd hwn yn debygol iawn o gael eu heintio’n gronig, ac yn gallu heintio eraill o ganlyniad. Gall brechu amserol leihau’r risg o haint ar enedigaeth o dros 90%.

O 1 Awst 2017 ymlaen, daeth pob babi yn gymwys i gael y brechlyn hecsavalent (‘6 mewn 1’) sy’n cynnwys hepatitis B. Mae hwn yn disodli’r brechlyn ‘5 mewn 1’ (DTaP/IPV/Hib, cyfuniad o diptheria, tetanws, pertwsis, polio wedi’i anactifadu, a brechlyn Haemophilus influenzae math B) a roddir i fabanod yn 2, 3 a 4 mis oed.

Dylai’r babanod hyn gael dos o frechlyn Hepatitis B monovalent yn ar eu genedigaeth ac yn 1 mis oed, y brechlyn ‘6 mewn 1’ fel y’i trefnwyd yn 2, 3 a 4 mis oed, a’r brechlyn monovalent yn 12 mis oed. Mae hyn yn gyfanswm o chwe dos o frechlynnau sy’n cynnwys Hepatitis B. Er mwyn monitro a yw’r babanod sydd mewn perygl yn cael eu hamddiffyn rhag Hepatitis B, mae’r adroddiad hwn yn canolbwyntio ar faint o fabanod sy’n cael brechlyn sy’n cynnwys hepatitis B yn 0, 1, 2 a 12 mis oed, ac amseroldeb y brechiadau hynny.

Cafodd y data a gyflwynwyd yn yr adroddiad hwn ei dynnu o system rheoli achosion a digwyddiadau Tarian Iechyd Cyhoeddus Cymru ar 30 Rhagfyr 2024, yn dilyn symudiad o gronfa ddata Hepatitis B newyddenedigol Iechyd Cyhoeddus Cymru. Datblygwyd y gronfa ddata i gynorthwyo’r Tîm Diogelu Iechyd i fonitro ac i ddilyn imiwneiddiadau hepatitis B mewn babanod a anwyd i famau sydd wedi’u heintio â hepatitis B ac i fod yn ffynhonnell o ystadegau ar y niferoedd sy’n cymryd brechiad hepatitis B ac amseroldeb imiwneiddio yn y grŵp hwn.