Neidio i'r cynnwys

Ynglŷn â sgrinio clyw babanod - Y clinig awdioleg – canlyniadau

Pryd fyddaf i’n cael y canlyniadau?

Bydd yr awdiolegydd yn esbonio’r hyn mae pob un o’r profion yn ei ddangos.

Os nad oes angen gwneud mwy o brofion, bydd yr awdiolegydd yn rhoi gwybodaeth i chi am y ffyrdd mae babanod yn ymateb i sain wrth iddyn nhw dyfu. Bydd hefyd yn dweud wrthych beth i’w wneud os ydych yn poeni o gwbl am glyw eich babi.

Os oes angen gwneud mwy o brofion, bydd yr awdiolegydd yn esbonio pa adeg yw’r un orau i’w gwneud.

Pa mor debygol yw hi fod colled ar glyw fy mabi?

Bydd 1 neu 2 ym mhob 1,000 o fabanod sy’n cael eu geni yn profi colled clyw yn y ddwy glust.

Bydd y rhan fwyaf o’r babanod hyn yn cael eu geni i deuluoedd lle nad oes unrhyw un arall yn byw gyda cholled clyw. Mae nifer llai o fabanod yn cael eu geni gyda cholled clyw mewn un glust. Gall baban yr oedd angen gofal arbennig arno ar ôl ei eni fod yn fwy tebygol o fod â cholled clyw. Bydd un ym mhob 10 baban sy’n cael y prawf hwn yn profi colled clyw.

Beth fydd yn digwydd os ganfyddir fod gan fy maban golled clyw?

Ar ôl i holl brofion eich baban gael eu gwneud bydd yr Awdiolegydd yn esbonio’r canlyniadau i chi ac efallai y bydd yn rhoi un o’r taflenni gwybodaeth canlynol i chi:

  • Taflen ANSD i Rieni
  • Taflen Colled Clyw Ysgafn i Rieni
  • Taflen Clust Ludiog i Rieni
  • Taflen Colled Clyw Unochrog i Rieni
  • Taflen Mae colled clyw ar eich baban

Bydd yr Awdiolegydd yn trefnu i chi gwrdd ag un o’r Meddygon Arbenigol sy’n cefnogi babanod a theuluoedd sydd â cholled clyw.

Gallwch hefyd gysylltu â’r Gymdeithas Genedlaethol i Blant Byddar. Mae gan y gymdeithas linell gymorth i rieni a theuluoedd a hoffai wybodaeth am brofion clyw ac unrhyw fath o golled clyw yn ystod plentyndod.

Llinell gymorth rhadffôn: 0808 800 8880

SMS: 0786 22 22 888

E-bost: [email protected]

Gwefan: www.ndcs.org.uk

Interpreter Now: https://interpreternow.co.uk/ndcs

Mae dulliau eraill o gysylltu hefyd ar gael, gweler: https://www.ndcs.org.uk/our-services/services-for-families/helpline

Os hoffech gael mwy o wybodaeth neu os ydych yn awyddus i siarad â rhywun am glyw eich babi, cysylltwch â ni.

Adolygwyd y dudalen hon ddiwethaf: 27ain Mai 2025