Ynglŷn â sgrinio'r fron - Arwyddion a symptomau canser y fron

Gall canser y fron achosi nifer o arwyddion a symptomau. Nid canser y fron yw’r rhan fwyaf o newidiadau i’r fron, gan gynnwys lympiau yn y fron. Bydd dod o hyd i ganser y fron yn gynnar yn rhoi’r siawns orau i chi o gael triniaeth lwyddiannus.

Gofynnwch i’ch meddyg wirio unrhyw newidiadau. Peidiwch ag aros ar gyfer eich apwyntiad sgrinio’r fron.

Arwyddion a symptomau i gadw llygad amdanynt:

• Lwmp neu chwydd yn y fron, rhan uchaf y frest neu’r gesail. 
• Newid i faint, siâp neu liw un fron.
• Newid i’r croen megis crychiad neu banylu’r croen.
• Unrhyw newid i leoliad y deth – cael ei thynnu i mewn neu wyro’n wahanol.
• Unrhyw redlif anghyffredin (hylif) neu waed o’r deth.
• Brech neu grawennu o amgylch y deth.
• Anghysur neu boen mewn un fron sy’n barhaus ac yn newydd i chi.

Mae’n bwysig eich bod yn dod i adnabod sut mae eich bronnau’n edrych ac yn teimlo, bydd hyn yn eich helpu i sylwi ar unrhyw newidiadau sy’n wahanol.

Pethau y gallwch eu gwneud i gadw’n iach:

• Mynd i sgrinio’r fron pan gewch wahoddiad.
• Rhowch wybod am unrhyw newidiadau i’ch meddyg teulu heb oedi.

Gallwch ddod o hyd i ragor o wybodaeth yn ein taflen Gofalu Am Eich Bronnau.

Adolygwyd y dudalen hon ddiwethaf: 9fed Chwefror 2026