Hyfforddiant Asesiad o’r Effaith ar Iechyd (HIA)
Mae UGAEIC yn cynnig ystod o wahanol sesiynau hyfforddi i wella’r ddealltwriaeth a’r defnydd o Asesiadau o’r Effaith ar Iechyd.
I gael rhagor o wybodaeth am sesiynau hyfforddi pwrpasol, cysylltwch â [email protected].
Asesiadau o’r Effaith ar Iechyd Statudol ar gyfer Cyrff Cyhoeddus – Cyflwyniad i Asesu’r Effaith ar Iechyd
Mae’r hyfforddiant hwn yn canolbwyntio ar godi ymwybyddiaeth o Reoliadau Asesiadau o’r Effaith ar Iechyd (Cymru) 2025 a fydd yn dod i rym ar 6 Ebrill 2027.
Bydd y sesiynau hyn yn darparu:
- Trosolwg sylfaenol o Asesiadau o’r Effaith ar Iechyd
- Trosolwg o’r Rheoliadau a’r hyn y maent yn ei olygu i Gyrff Cyhoeddus
- Manylion ynghylch sut mae’r rheoliadau’n ymwneud â chamau’r broses o Asesu’r Effaith ar Iechyd
- Manteision Asesiadau o’r Effaith ar Iechyd
Bydd y sesiynau hefyd yn cynnwys amser Holi ac Ateb i gynnig cyfle i chi ofyn unrhyw gwestiynau sydd gennych. Gall y sesiynau hyn helpu i roi dealltwriaeth sylfaenol o’r rheoliadau y gellir ei datblygu mewn sesiynau hyfforddi pellach.
Cynulleidfa: Cynrychiolwyr o gyrff cyhoeddus yng Nghymru
Hyd: 1.5 awr
Fformat: Ar-lein
Sut i gofrestru: Anfonwch neges i: [email protected] i gofrestru eich diddordeb.
Asesiadau o’r Effaith ar Iechyd Statudol ar gyfer Cyrff Cyhoeddus – Sesiwn e-ddysgu yn rhoi cyflwyniad i Asesu’r Effaith ar Iechyd
Bydd y cwrs, sydd wedi’i gynllunio i ategu’r Canllaw HIA ar gyfer Cyrff Cyhoeddus, yn ymdrin â’r canlynol:
- Trosolwg o Asesu’r Effaith ar Iechyd
- Cyd-destun Polisi
- Gofynion rheoleiddio sy’n ymwneud â chamau’r broses HIA
- Manteision a Chanlyniadau Asesiadau o’r Effaith ar Iechyd
- Darllen pellach/enghreifftiau o astudiaethau achos.
Cynulleidfa: Cynrychiolwyr o gyrff cyhoeddus yng Nghymru
Hyd: 1 awr
Fformat: E-ddysgu ar-lein
Sut i gofrestru: Mae’r cwrs hwn yn cael ei ddatblygu ar hyn o bryd a bydd ar gael ym mis Tachwedd 2026.
Asesiadau o’r Effaith ar Iechyd Statudol ar gyfer Cyrff Cyhoeddus – Cymhwyso’r Broses o Asesu’r Effaith ar Iechyd
Bydd y sesiwn hon yn rhoi dealltwriaeth o fethodoleg Asesu’r Effaith ar Iechyd ac yn sicrhau bod y rhai sy’n bresennol wedi’u paratoi’n dda ar gyfer Rheoliadau Asesiadau o’r Effaith ar Iechyd.
Bydd y sesiwn hon yn ymdrin â’r canlynol:
- Trosolwg o Asesu’r Effaith ar Iechyd
- Gofynion rheoliadau sy’n ymwneud â’r camau yn y broses o Asesu’r Effaith ar Iechyd
- Manteision Asesiadau o’r Effaith ar Iechyd
- Enghraifft o astudiaeth achos
- Cyfle i gymhwyso’r dysgu drwy weithgarwch ymarferol (Gweithdy Cyfranogol ar Asesu’r Effaith ar Iechyd)
Cynulleidfa: Cynrychiolwyr o gyrff cyhoeddus yng Nghymru sy’n newydd i Asesu’r Effaith ar Iechyd (HIA) a/neu’r rhai sydd â dealltwriaeth sylfaenol o HIA, sy’n dymuno dysgu mwy am AEI a rhoi cynnig ar un cam o’r broses HIA.
Hyd: 2.5 awr
Fformat: Wyneb yn wyneb, neu ar-lein
Sut i gofrestru: Mae’r sesiynau hyn wedi’u trefnu ar gyfer mis Hydref 2026, bydd rhagor o fanylion yn dilyn. Anfonwch neges i: [email protected] i gael rhagor o wybodaeth.
Asesiadau o’r Effaith Iechyd Gwirfoddol ac Arferion Gorau – Rhoi’r broses Asesu’r Effaith ar Iechyd ar waith
Bydd y sesiwn hon yn rhoi dealltwriaeth i ymarferwyr o fethodoleg Asesu’r Effaith ar Iechyd a gwybodaeth am yr adnoddau a’r offer sydd ar gael i gefnogi ei defnyddio yn eu gwaith.
Bydd y sesiwn hon yn ymdrin â’r canlynol:
- Trosolwg o Asesu’r Effaith ar Iechyd
- Y broses Asesu’r Effaith ar Iechyd
- Manteision Asesiadau o’r Effaith ar Iechyd
- Enghraifft o astudiaeth achos
- Cyfle i gymhwyso’r dysgu drwy weithgaredd ymarferol (Gweithdy Cyfranogol Asesu’r Effaith ar Iechyd)
Cynulleidfa: Y rhai sy’n newydd i Asesu’r Effaith ar Iechyd (HIA) a/neu’r rhai sydd â dealltwriaeth sylfaenol o HIA, sy’n dymuno dysgu rhagor am arferion gorau ym maes HIA a rhoi cynnig ar un cam o’r broses HIA.
Hyd: 2.5 awr
Fformat: Wyneb yn wyneb, neu ar-lein
Sut i gofrestru: Anfonwch neges i: [email protected] i gael yr wybodaeth ddiweddaraf am sesiynau sydd ar ddod.
Asesiadau o’r Effaith ar Iechyd Gwirfoddol ac Arferion Gorau – Sesiwn e-ddysgu sy’n rhoi cyflwyniad i’r Broses HIA
Mae’r cwrs wedi’i gynllunio i ategu’r Canllaw HIA Gwirfoddol, ac mae’n cynnwys:
- Asesu’r Effaith ar Iechyd yng Nghymru
- Beth yw Asesu’r Effaith ar Iechyd?
- Iechyd, Llesiant ac Egwyddorion Asesu’r Effaith ar Iechyd
- Y Broses a’r Offer
- Rhoi Asesiadau o’r Effaith ar Iechyd ar Waith yn ymarferol.
Mae tystysgrif cwblhau ar gael i’w lawrlwytho ar ôl gorffen y cwrs.
Cynulleidfa: Y rhai sy’n newydd i gynnal Asesiadau o’r Effaith ar Iechyd, y rhai sydd â diddordeb ynddynt neu sydd eisiau integreiddio asesu’r effaith ar iechyd mewn asesiadau o’r effaith eraill ac a hoffai ddysgu rhagor.
Hyd: 1 awr
Fformat: Sesiynau e-ddysgu ar-lein
Sut i gofrestru: Cynhelir y cwrs e-ddysgu ar blatfform Dysgu@Cymru; os nad oes gennych gyfrif Dysgu@Cymru cysylltwch â [email protected] i ofyn am gyfrif a byddwn yn anfon e-bost atoch i roi mynediad i chi at y cwrs.
Os oes gennych chi gyfrif Dysgu@Cymru: Mewngofnodwch i wefan Dysgu@Cymru. Fe welwch y cwrs Cyflwyniad i HIA drwy agor y tab ‘NHS’ a chlicio ar dudalen ‘Public Health Wales WHIASU’. Anfonwch neges i [email protected] a byddwn yn anfon e-bost atoch i roi mynediad i chi at y cwrs.
Sesiynau codi ymwybyddiaeth o Asesu’r Effaith ar Iechyd
Nodau:
- Mae’r sesiynau hyn yn canolbwyntio ar godi ymwybyddiaeth o’r broses AEI, y manteision y gall eu cynnig a sut y gellir ei rhoi ar waith yn ymarferol.
- ‘Cam cyntaf’ gwych ar y daith Asesu’r Effaith ar Iechyd. Mae’r amser Holi ac Ateb yn cynnig cyfle i chi ofyn unrhyw gwestiynau sydd gennych.
- Rhoi dealltwriaeth sylfaenol o Asesu’r Effaith ar Iechyd i adeiladu arni mewn sesiynau hyfforddi pellach.
Cynulleidfa: Pawb sydd â diddordeb mewn dysgu am Asesu’r Effaith ar Iechyd.
Hyd: 45 munud
Fformat: Wyneb yn wyneb, neu ar-lein
Sut i gofrestru: Anfonwch neges i [email protected] i drefnu sesiwn.
Cwrs e-ddysgu ar sicrhau ansawdd ac adolygu Asesiadau o’r Effaith ar Iechyd
Mae’r cwrs yn cynnwys adrannau ar y canlynol:
- Diffinio ansawdd ac ystyried pam mae Sicrhau Ansawdd (QA) yn bwysig yng nghyd-destun Asesu’r Effaith ar Iechyd
- Yr hyn sy’n destun sicrhau ansawdd/adolygu
- Y broses sicrhau ansawdd a’r ystyriaethau – cyflwyno’r fframwaith sicrhau ansawdd
- Ymarfer ymarferol – cynnal adolygiad byr o Asesiad o’r Effaith ar Iechyd
Mae tystysgrif cwblhau ar gael i’w lawrlwytho ar ôl gorffen y cwrs.
Cynulleidfa: Y rhai sy’n cynnal Asesiadau o’r Effaith ar Iechyd, sy’n eu hadolygu neu’n eu defnyddio fel tystiolaeth yn eu gwaith ac a hoffai gael offeryn arfarnu beirniadol i asesu ansawdd.
Hyd: 1 awr
Sut i gofrestru: Cynhelir y cwrs e-ddysgu ar blatfform Dysgu@Cymru; os nad oes gennych gyfrif Dysgu@Cymru cysylltwch â [email protected] i ofyn am gyfrif a byddwn yn anfon e-bost atoch i roi mynediad i chi at y cwrs.
Os oes gennych chi gyfrif Dysgu@Cymru: Mewngofnodwch i wefan Dysgu@Cymru. Fe welwch y cwrs Cyflwyniad i HIA drwy agor y tab ‘NHS’ a chlicio ar dudalen ‘Public Health Wales WHIASU’. Anfonwch neges i [email protected] a byddwn yn anfon e-bost atoch i roi mynediad i chi at y cwrs.