Brechlyn eryr - Cymhwysedd ac apwyntiadau
Hyd yn oed os ydych eisoes wedi cael yr eryr, dylech gael y brechlyn o hyd gan y bydd yn lleihau eich risg o gael yr eryr eto.
Pwy ddylai gael y brechiad?
Mae arbenigwyr brechlynnau wedi cynghori y dylid cynnig y brechlyn rhag yr eryr i bobl 60 oed a throsodd. Bydd yn cael ei wneud mewn camau dros 10 mlynedd.
Maen nhw hefyd wedi cynghori bod y brechlyn yn cael ei gynnig i bobl 18 oed a hŷn sydd â systemau imiwnedd gwan iawn.
Mae’r tabl hwn yn dangos pwy sy’n gymwys i gael brechlyn rhag yr eryr o fis Awst 2025.
| Eich oedran | A oes gennych system imiwnedd wan iawn? | Pryd y byddwch yn cael y brechlyn eryr |
|---|---|---|
| 18 oed a throsodd | Oes | Ar neu ar ôl eich pen-blwydd yn 18 oed |
| 65 neu 70 | Nac oes | Ar neu ar ôl eich pen-blwydd yn 65 neu 70 oed |
| 70 i 79 | Nac oes | Os nad ydych chi wedi cael brechiad yr eryr eisoes, rydych chi’n gymwys. Trefnwch apwyntiad gyda’ch meddygfa. |
| 66 i 69 | Nac oes | Os gwnaethoch chi droi yn 65 oed cyn 1 Medi 2023 byddwn yn cysylltu â chi pan fyddwch yn troi yn 70 oed. |
| 60 i 64 | Nac oes | Byddwn yn cysylltu â chi pan fyddwch yn troi yn 65 oed |
Ar gyfer y rhan fwyaf o bobl gymwys, bydd y brechlyn eryr yn cael ei gynnig nes eu bod yn 80. Fodd Ar gyfer y rhan fwyaf o bobl gymwys, bydd y brechlyn rhag yr eryr yn cael ei gynnig nes eu bod yn 80. Fodd bynnag, os oes gennych system imiwnedd wan iawn, gallwch gael y brechlyn o’r adeg y byddwch yn 18 oed hyd at unrhyw oedran.
Gall pobl â system imiwnedd wan iawn gynnwys:
- rhai â chanserau penodol, fel lewcemia neu lymffoma
- rhai sy’n cymryd meddyginiaethau penodol
- rhai sy’n cymryd dos cymedrol i uchel o steroidau, a
- rhai sydd wedi cael trawsblaniad organ.
Nid oes terfyn oedran uchaf ar gyfer cael y brechlyn rhag yr eryr os oes gennych system imiwnedd wan iawn. Fodd bynnag, argymhellir eich bod yn cael y brechlyn cyn gynted ag y byddwch yn gymwys er mwyn i chi gael eich diogelu cyn gynted â phosibl.
Dylech fanteisio ar y cynnig i gael y brechiad rhag yr eryr os ydych chi’n gymwys.
Dylech fanteisio ar y cynnig i gael y brechiad rhag yr eryr os ydych chi’n gymwys.
A oes angen y brechlyn arnaf os wyf wedi cael yr eryr o’r blaen?
Oes. Hyd yn oed os ydych eisoes wedi cael yr eryr, dylech gael y brechlyn o hyd gan y bydd yn lleihau eich risg o gael yr eryr eto.
Beth am bobl sydd y tu allan i’r grwpiau oedran hyn?
Bydd pobl iau yn cael cynnig y brechlyn pan fyddant yn cyrraedd yr oedran cymwys.
Gallwch gael yr eryr ar unrhyw oedran, ond mae’r risg, difrifoldeb a chymhlethdodau yn cynyddu wrth i chi fynd yn hŷn. Mae pobl â systemau imiwnedd gwan iawn mewn mwy o berygl, a dyna pam mae’r brechlyn weithiau’n cael ei argymell yn gynharach.
Adolygwyd y dudalen hon ddiwethaf: 14eg Awst 2025