Dangosyddion arfaethedig ar gyfer dulliau sy’n seiliedig ar asedau yng Nghymru

• Cymru Gyfan/Cenedlaethol

Yn y DU mae ymwybyddiaeth gynyddol o botensial dulliau sy’n seiliedig ar asedau (ABA) ar gyfer gwella iechyd a llesiant. Er gwaethaf y defnydd o ddulliau o’r fath, dim ond ychydig o ddatblygiad a welwyd o ran mesur ABA ac adrodd ar ei effaith, ac nid oes un offeryn yng Nghymru sy’n ymwneud â data asedau iechyd. Mae mapio asedau a dull seiliedig ar asedau yn dibynnu ar weithio’n lleol gyda chymunedau; gall data sydd ar gael yn genedlaethol helpu i roi cyd-destun ac i gynorthwyo gyda’r gwaith hwn.

Trwy weithio gyda chydweithwyr ledled Cymru, yn ogystal â set ddysgu ABA Gogledd Cymru, mae awdur y papur hwn yn cynnig fframwaith ac yn nodi detholiad o ddangosyddion posibl ar ran yr Arsyllfa y gellid eu defnyddio i fesur ac i adrodd ar ABA yng Nghymru. Mae hyn wedi’i lywio gan dystiolaeth a damcaniaethau ar gyfer dulliau sy’n seiliedig ar asedau, y dulliau a ddefnyddir gan eraill, y polisi a’r data sydd ar gael. Mae set ddysgu Gogledd Cymru yn bwriadu rhannu canfyddiadau’r gwaith hwn yn ehangach.