Adroddiadau

Dangosfwrdd iechyd a lles plant ysgolion uwchradd

Cyhoeddiad nesaf: I’w gyhoeddi

Cysylltiad ar gyfer ymholiadau ac adborth

Daw’r dangosfwrdd gyda lawrlwythiad data llawn sy’n cynnwys nifer y myfyrwyr a ymatebodd i’r cwestiwn a chyfanswm y myfyrwyr a holwyd. Mae hefyd yn cynnwys lawrlwythiad ar gyfer cyfraddau gwahardd ac ymateb. Mae’r siartiau a grëwyd o fewn y dangosfwrdd i gyd ar gael i’w lawrlwytho ynghyd â thablau data sy’n cyd-fynd â nhw. Bydd y rhain yn disodli’r Adroddiad Cenedlaethol o 2023 ymlaen a gyhoeddwyd yn flaenorol gan DECIPHer.  Mae’r dangosfwrdd wrthi’n cael ei ddatblygu a bydd yn cynnwys dangosyddion a dadansoddiadau ychwanegol yn y dyfodol. Gweler y ddogfen diweddariadau arfaethedig am ragor o wybodaeth.  Gweler yr adran amserlenni cyhoeddi arfaethedig isod am ragor o wybodaeth.

I gael rhagor o wybodaeth am yr arolwg ewch i wefan y Rhwydwaith Ymchwil Iechyd mewn Ysgolion (SHRN).  I gael rhagor o wybodaeth am sut i ddefnyddio’r dangosfwrdd, gweler y canllaw defnyddiwr.

Prif Bwyntiau

• Mae canlyniadau merched yn waeth na bechgyn mewn llawer o bynciau
• Mae cyfoeth teuluol isel yn aml yn gysylltiedig â chanlyniadau gwaeth
• Yn aml, gwelir canlyniadau gwael wrth i’r oedran fynd yn uwch, o 11 i 16 oed
• Mae tueddiadau ar gyfer llawer o’r pynciau yn dangos ychydig iawn o welliant, os o gwbl, dros amser

Tablau data

Cyrchu’r data sy’n gysylltiedig â’r dangosfwrdd hwn.

Cysylltu data â chamau gweithredu

Mae Dangosfwrdd Iechyd a Lles Plant Ysgolion Uwchradd yn cyflwyno data i helpu i nodi materion allweddol a meysydd ffocws ar gyfer iechyd a lles disgyblion. Er bod y dangosfwrdd yn tynnu sylw at y problemau, gall yr isod helpu gyda’r hyn sydd angen ei wneud nesaf. Drwy gysylltu’r dangosfwrdd â’r adnoddau hyn, gall defnyddwyr symud o ddeall y data i ddod o hyd i dystiolaeth ddibynadwy sy’n llywio gwelliant yn y byd go iawn.

Cefnogi Maes Dysgu a Phrofiad Iechyd a Lles mewn Ysgolion

Gwybodaeth a Chanllawiau ar Fêpio i Ddysgwyr Oedran Uwchradd yng Nghymru

Mapiau Tystiolaeth – Mae’r mapiau hyn yn rhoi mynediad strwythuredig at dystiolaeth gyfoes o ansawdd uchel ar amrywiaeth eang o bynciau iechyd a lles. Wedi’u datblygu gan dîm y Gwasanaeth Tystiolaeth yn Iechyd Cyhoeddus Cymru, maent yn dwyn ynghyd canllawiau dibynadwy ac adolygiadau systematig i gefnogi defnyddwyr i nodi camau gweithredu effeithiol, sy’n seiliedig ar dystiolaeth.

Gweithio gyda Rhwydwaith Ysgolion Cymru sy’n Hybu Iechyd a Lles

Gall ysgolion sydd am fabwysiadu dull ysgol gyfan o wella iechyd a lles hefyd gysylltu â chynlluniau sy’n rhan o Rwydwaith Ysgolion Cymru sy’n Hybu Iechyd a Lles (WNHWSS). Mae’r Rhwydwaith yn cefnogi ysgolion ledled Cymru i ymgorffori iechyd a lles yn eu polisïau, eu cwricwlwm a’u diwylliant. Mae’n cynnig arweiniad, cymorth ymarferol, a chyfleoedd i rannu arferion da. I gael gwybod rhagor neu i gysylltu â’ch cydlynydd lleol, ewch i’w gwefan neu cysylltwch yma [email protected].

Ymwadiad

Mae’r Rhwydwaith Ymchwil Iechyd mewn Ysgolion (SHRN) yn bartneriaeth rhwng Prifysgol Caerdydd, Llywodraeth Cymru, ac Iechyd Cyhoeddus Cymru, a ariennir gan Lywodraeth Cymru. Barn yr awdur(on) a fynegir yma ac nid o reidrwydd barn y Rhwydwaith Ymchwil Iechyd mewn Ysgolion (SHRN) na Phrifysgol Caerdydd.

Arddangosiadau o’r weminar a’r dangosfwrdd

08/05/2025

Arddangosiad a Chipolwg: Dangosfwrdd Iechyd a Lles Plant Ysgolion Uwchradd: Data Arolwg y Rhwydwaith Ymchwil Iechyd mewn Ysgolion

17/10/2024

Arddangosiad a Chipolwg: Dangosfwrdd Iechyd a Lles Plant Ysgolion Uwchradd: Data Arolwg y Rhwydwaith Ymchwil Iechyd mewn Ysgolion