Sgrinio’r coluddyn beth sy’n digwydd nesaf

Sgrinio’r Coluddyn – Beth Sy’n Digwydd Nesaf – Eglurhad o ganlyniadau eich prawf a beth sy’n digwydd nesaf.

Diolch am dreulio amser yn cwblhau

a dychwelyd eich pecyn prawf sgrinio’r coluddyn. Mae eich canlyniadau’n dangos fod gwaed wedi cael i ddarganfod yn eich pŵ.

Gall gwaed yn eich pŵ fod yn arwydd o ganser y coluddyn neu newidiadau eraill fel polyp (tyfiannau bach).

Efallai bod gwaedu o bolypau (tyfiannau bach) neu gyflyrau eraill fel hemoroidau (piles)

wedi achosi’r canlyniad hyn, yn hytrach na chanser y coluddyn.
Mae’n siŵr bod gennych gwestiynau am beth sy’n digwydd nesaf.

Gobeithio y bydd y fideo hwn yn helpu i ateb eich cwestiynau.

Beth sy’n digwydd nawr?

Hoffem gynnig apwyntiad ffôn i chi gydag un o’n nyrsys sgrinio, a fydd yn eich asesu ac

yn trafod ymchwiliadau pellach (colonosgopi) gyda chi. Gall yr alwad ffôn hon gymryd hyd at awr.

Cysylltwch â ni i drefnu apwyntiad cyfleus gyda nyrs sgrinio.

Gallwch yrru ebost i ni ar: [email protected] neu

ffoniwch y llinell gymorth rhadffôn ar 0800 294 3370.

Os oes angen cyfieithydd BSL arnoch, gallwn ni drefnu hwn i chi.

Apwyntiad asesu

Bydd y nyrs sgrinio yn eich gweld yn eich canolfan asesu agosaf

neu’n eich ffonio ar yr amser yr ydych wedi trefnu, i drafodmchwilio’ch

coluddyn (colonosgopi). Yn ystod yr apwyntiad dros y ffôn, bydd y nyrs sgrinio yn gofyn cwestiynau i weld a ydych

yn ddigon iach i gael colonosgopi. Bydd hyn yn cynnwys cwestiynau am y canlynol:

Eich iechyd yn gyffredinol

(fel clefyd siwgwr (diabetes), neu asthma)

Unrhyw lawdriniaethau yr ydych wedi eu cael;
Meddyginiaethau yr ydych yn eu cymryd ar hyn o bryd.

Bydd y nyrs sgrinio hefyd yn
trafod y canlynol gyda chi:

Beth yw colonosgopi a pham
eich bod yn cael ei gynnig

Risgiau a manteision cael colonosgopi;
Os cawsoch ddigon o wybodaeth

oddi wrthym i’ch helpu i wneud penderfyniad
ynglŷn â chael colonosgopi

Sut i gymryd carthyddion (laxatives)
cyn cael colonosgopi

Beth y gallwch ac na allwch ei fwyta cyn,
yn ystod ac ar ôl cymryd y carthyddion

Y dewis o gael tawelydd (sedative) neu gyffur lleddfu poen (
neu’r ddau) yn ystod y colonosgopi

Mathau o dawelyddion a
dulliau lleddfu poen

Effaith y tawelydd a beth i’w wneud a pheidio
ei wneud yn y cyfnod ar ôl y colonosgopi

Byddwch yn cael cyfle i drafod unrhyw
bryderon neu ofyn cwestiynau

Beth yw colonosgopi?

Ffordd o edrych ar leinin eich
coluddyn mawr (colon),

yw colonosgopi lle mae tiwb hyblyg gyda
olau a chamera ar un pen (colonosgôp)

yn cael ei roi yn eich pen ôl i weld
os oes afiechyd yn bresennol.

Wrth i’r colonosgôp symud drwy eich coluddyn mawr,
defnyddir y camera i dynnu lluniau a fideos

ar gyfer y colonosgopydd i’w gwirio a oes gennych
unrhyw glefyd neu lid o’r coluddyn â’i beidio.

Yn ystod yr ymchwiliad, gall y
colonosgopydd dynnu’r polypau

neu gymryd samplau bach o leinin
eich coluddyn i’w dadansoddi.

Beth yw polyp?
Tyfiant bach ar leinin y coluddyn yw polyp sy’n cael

ei weld yn ystod y colonosgopi.
Fel arfer, mae polypau’n cael eu tynnu oherwydd

gallant dyfu ac achosi problemau’n ddiweddarach. Yr enw ar hyn yw polypectomi. Weithiau mae polypau’n datblygu’n ganser.

Paratoi ar gyfer y colonosgopi

Bwyta ac yfed

Os ydych yn cael colonosgopi, mae’n rhaid i
ni weld y coluddyn yn glir.

Byddwn yn anfon carthydd atoch er mwyn i chi wagio’ch coluddyn.
Bydd y carthydd yn gwneud i chi gael dolur rhydd

felly bydd angen i chi aros yn agos i doiled ar ôl i chi ddechrau ei gymryd. Mae’n normal

cael rhywfaint o wynt neu chrampiau yn eich bol tra
byddwch yn cymryd y carthydd.

ydd eich nyrs sgrinio yn trafod beth y gallwch
ac na allwch ei fwyta cyn, yn ystod

ac ar ôl cymryd y carthyddion. Byddwn yn anfon y carthyddion atoch yn y post gyda chyfarwyddiadau.

Dilynwch y cyfarwyddiadau sy’n dod gyda’r carthyddion. Os bydd gennych unrhyw gwestiynau,

cysylltwch â’ch nyrs sgrinio.
Gallwch ddod â’ch bwyd eich hun i’w fwyta

ar ôl eich colonosgopi os ydych yn meddwl
y bydd angen bwyd arnoch.

Meddyginiaethau

Dylech gymryd y rhan fwyaf o feddyginiaethau cyffredinol yn ôl yr arfer. Efallai y bydd yn rhaid ymatal rhag

cymryd rhai meddyginiaethau cyn eich colonosgopi, er enghraifft meddyginiaeth

i deneuo’r gwaed. Dywedwch wrth eich nyrs sgrinio os ydych yn cymryd unrhyw feddyginiaethau.

Alergeddau
Dywedwch wrth eich nyrs sgrinio

os oes gennych alergedd i latecs
neu unrhyw alergeddau eraill.

Cofiwch
Cysylltwch â ni i drefnu

Gallwch yrru ebost i ni ar:

[email protected] neu
ffoniwch y llinell gymorth rhadffôn ar 0800 294 3370.

Os oes angen cyfieithydd BSL arnoch,
gallwn ni drefnu hwn i chi.

Darllenwch yr holl wybodaeth a
anfodwyd gyda’r llyfryn yma.

Sut rydym yn defnyddio’ch manylion
a gwybodaeth

Cedwir eich manylion a’ch
gwybodaeth yn gyfrinachol.

Am fwy o wybodaeth am sut
mae Sgrinio Coluddion Cymru

yn defnyddio eich manylion,
ewch i’n gwefan.

Rhagor o wybodaeth

Os oes gennych unrhyw gwestiynau am sgrinio’r coluddyn, neu os hoffech wybodaeth mewn fformat arall, sef:

Hawdd ei Ddeall;
Iaith Arwyddion Prydain (BSL);

Sain;

print bras; neu yn
Saesneg

Ebostiwch ni: [email protected]

ewch i’n gwefan neu ffoniwch y llinell gymorth Rhadffôn ar: 0800 294 3370

Rydym yn croesawu gohebiaeth a galwadau ffôn yn Gymraeg.

Byddwn yn ateb gohebiaeth yn Gymraeg heb oedi.